Kuvendi i Shqipërisë do të mblidhet në seancë plenare për të shqyrtuar dhe votuar disa projektligje. Seanca nis në orën 10 me dy interpelanca. E para është ajo me ministren e Energjisë, Belinda Ballukun, thirrur nga deputeti i PD, Ferdinand Xhaferraj dhe e dyta, ajo me ministren e Bujqësisë, Frida Krifca, kërkuar nga deputeti i PS, Erion Braçe.

Gjykata Kushtetuese do të mblidhet mëngjesin e së hënës për të tretën herë për të vijuar shqyrtimin e vendimit të parlamentit që kërkon shkarkimin e Presidentit të Republikës, Ilir Meta.

Shtetet e Bashkuara dhe Bashkimi Evropian kanë konfirmuar rëndësinë e tranzicionit drejt energjisë së pastër në Ballkanin Perëndimor. Në takimin e nëntë të Këshillit për Energji SHBA-BE u tha se është e rëndësishme ndërtimi i një sistemi konkurrues, transparent dhe të integruar energjetik në rajon, por edhe të bëhen reforma në përputhje me politikat e zgjerimit dhe obligimet që dalin nga Traktati i Komunitetit të Energjisë, njofton REL.

Pas disa testimeve, kompania WizzAir ul avionët e saj në aeroportin ndërkombëtar “Flatrat e Veriut” në Kukës.