Luftimet e ashpra vazhdojnë në Severodonetsk dhe rajonin e Kharkiv, tha presidenti ukrainas Volodymyr Zelensky gjatë një fjalimi video të martën. Në Severodonetsk "humbjet, për fat të keq, janë të dhimbshme. Por ne duhet të vazhdojmë para" tha Zelenskyy duke shtuar se është jetike për ushtrinë ukrainase të qëndrojë në Donbas.

Në një postim në Twitter, zëdhënësja e Shtëpsië së Bardhë, Karin Jean –Pierre konfirmoi synimin e Joe Biden për të rikandiduar për president në vitin 2024. ‘Për të qënë të qartë, presidenti e ka thënë disa herë: ai synon të rikandidojë në vitin 2024’ ka shkruar zëdhënësja në postimin e saj,

Ukraina do të “çlirojë” të gjitha qytetet, qytezat dhe rajonet e pushtuara tani nga forcat ruse, tha Zelensky në një fjalim inkurajues drejtuar kombit. “Ne do të vijmë në Kherson. Dhe banorët e zakonshëm të Khersonit do të takojnë ushtrinë tonë në rrugët e qytetit… Do të vijmë në Melitopol. Dhe ne do t’u kthejmë të gjithë banorëve të Melitopolit mundësinë për të jetuar pa frikë”, tha Zelenskyy.

Vështirohet anëtarësimi i Finlandës dhe Suedisë në NATO.Finlanda njofton se pa Suedinë edhe ajo do të heqë dorë nga anëtarësimi, ndërkohë që Suedia po pengohet nga Turqia.