Komisioneri i Bashkimit Europian për Fqinjësinë dhe Zgjerimin, Oliver Varhelyi viziton sot Shqipërinë. Së bashku me Kryeministrin Edi Rama, ata do të vizitojnë by–passin e Vlorës, projekt i financuar përmes një granti prej 20 milionë eurosh nga Bashkimi Europian.

Edi Rama ka fortifikuar dyert e Kryeministrisë, nga frika e protestuesve të opozitës. Partia Demokratike dhe grupet e Shoqërisë Civile do të zhvillojnë një protestë të enjten në orën 7, para ndërtesës qeveritare.

Kryetari i Partisë Demokratike, Sali Berisha tha sot se në muajin shtator do të rinisin protestat për largimin e Edi Ramës. Berisha deklaroi se do të protestohet kundër vjedhjeve që po u bëhet shqiptarëve nga qeveria.

Shqiptarët i shtuan dozat e pesimizmit për anëtarësim ne BE sipas anketës së Barometrit të Ballkanit 2022. Gati gjysma të anketuarve rreth 42 % nuk presin që vendi të anëtarësohet para vitit 2030, ndërsa 22 % e tyre mendojnë se Shqipëria nuk do të bëhet kurrë pjesë e Unionit.