Anëtarët e iniciativës së Ballkanit të Hapur zhvilluan një takim javën e kaluar në Ohër, Maqedonia e Veriut. Përfaqësuesit e Shqipërisë, Maqedonisë së Veriut dhe Serbisë nënshkruan një tjetër grup dokumentesh, një marrëveshje për njohjen e diplomave dhe tre memorandume mirëkuptimi për një numër çështjesh.

Kryeministri Edi Rama dhe homologu malazez Dritan Abazoviç zhvilluan një vizitë në Kiev me ftesë të Presidentit Zelensky. Gjatë konferencës së përbashkët, kryeministri Rama sulmoi sërish Bashkimin Europian duke e fajësuar për bllokimin e hapjes së negociatave. Nga ana e tij, presidenti Zelensky kërkoi nga perëndimi miratimin e shpejtë të paketës së 7-të të sanksioneve ndaj Rusisë.

Vizita e parë zyrtare e Sali Berishës jashtë Shqipërisë pas zgjedhjeve qe organizoi për tu shpallur kryetar ishte në lindje të kontinentit europian dhe ne kufi me Rusinë. Por, udhëtimi i tij në Baku, nuk ishte as i pari dhe nuk ishte as lajmi i vërtetë.

Ditën e sotme do të mblidhet Kuvendi në seancë plenare. Mësohet se seanca do të nisë në orën 10:00, ku pritet që të ketë diskutime për disa projektligje. Po ashtu ditën e sotme është kërkuar interpelancë nga ana e deputetit të PD-së, Ervin Salianji për ministrin e Brendshëm Bledi Çuçi.