14 maji i vitit të ardhshëm mund të jetë data e zgjedhjeve lokale në Shqipëri.

Burime bëjnë me dije se Partia Socialiste preferon datën e mësipërme, po pritet ende të ketë dakordësi mes palëve.

Ndërkohë, ditën e sotme Presidenti Bajram begaj është takuar me përfaqësues të forcave politike.

Ai ka pritur deputetin demokrat Oerd Bylykbashi, të grupit të Sali Berishës.

Ndërkohë nesër në orën 18:00 pritet të ketë një takim me Enkelejd Alibeajn, ndërsa të enjten do të takohet me kreun e grupit socialist, Taulant Balla.

Kryetari i Partisë së Lirisë Ilir Meta, në një prononcim për gazetarët pas takimit me kreun e shtetit Barjam Begaj, tha se me pasardhësin e tij folën ndër të tjera për datën e zgjedhjeve lokale të vitit 2023.

Po ashtu, ish-presidenti u shpreh se pushteti aktual vendor është monist dhe se partitë duhet të marrin masa sa më shpejt që të përgatiten për procesin zgjedhor.