"Qytetarët të vendosin fatin e vendit"/ Berisha jep LAJMIN: Në protestën e të hënës edhe partitë aleate

Kreu i Partisë Demokratike, Sali Berisha ka njoftuar ditën e sotme se në protestën e ditës së hënë, të pranishëm do të jenë dhe partitë aleate opozitare.

Berisha theksoi se është dakordësuar me forcat e tjera politike të opozitës për mobilizimin e të gjitha potencialeve në një betejë vendimtare. Gjithashtu, Berisha kërkoi angazhimin e qytetarëve, pasi sipas tyre, është radha që ta përcaktojnë vetë fati ne vendit.

“Forcat politike të opozitës, të mbledhura sot, vendosën të mobilizojnë të gjithë potencialet e tyre në një betejë vendimtare, në revolta vendimtare për t’u ndarë nga kjo e keqe e madhe që i ka rënë Shqipërisë mbi krye. Është një sistem pengmarrje i paimagjinueshëm. Janë të marrë peng në zinxhir.