Supë peshku me karrota, ullinj dhe patate

Përbërës:

– 400 gramë patate,

-1 qepë,

-4-5 ullinj,

-2 thelpinj hudhre,

-2 karrota,

-2 lugë gjalpë,

-1,5 litër supë viçi,

-2 dl shtalpë për zierje,

-mëlmesa të përziera, piper i zi.

Si përgatitet masa;

Në fillim qërojmë dhe grijmë qepët dhe hudhrat, më pas patatet të cilat i presim në kubikë. Hedhim pak gjalpë në tigan dhe skuqim qepën dhe hudhrat, pastaj shtohen patatet, të gjitha këto produkte zihen derisa të zbuten patatet. Supa e përgatitur miksohet, shtohen në të shtalpa për zierje dhe mëlmesa sipas shijes. Në fund, shtohen topthat me mish peshku dhe zihen pakëz.

Ndërsa për përgatitjen e topthave të peshkut, në fillim do të ziejmë spinaqin në ujë me kripë, gjithashtu dhe peshkun më pas i hiqen halat dhe mishi bluhet në makinë për bluarjen e mishit.Në një enë të përshtatshme bashkohen spinaqi i zier, peshku i bluar, veza dhe bollguri, të gjitha përzihen mirë, shtohen mëlmesa sipas shijes dhe mase lihet të qëndrojë për 5 minuta.

Qofte me mish pule dhe kërpudha

Përbërësit:

-300 g mish pule

-200 g kërpudha shampinjon

-qepë të reja

-bukë

– 2 vezë

-kripë, piper, miell, thërrmija buke

Përgatitja:

Mishin e pulës e zieni, ia hiqni kockat dhe e bluani në blender bashkë me qepën.

Kërpudhat i grini sa më imët që mundeni dhe i fërgoni, i bashkoni me mishin e pulës.

Shtoni një vezë, pak kripë dhe tul buke të njomur në ujë dhe të kulluar.

Me dorë formësoni qofte të vogla, rrotulloni në vezë të trazuar dhe në mielli (përzierje e përbashkët), pastaj në thërrmija buke dhe i fërgoni në tigan me shumë vaj.

Sallata Waldorf

Përbërësit:

-1 kg. mish të zier pule pa kocka

-300 gr. spinaq

-gjysmë kokë selino

-1 mollë më të madhe

-2 rriska ananas

-100 gr. arra

-100 gr. kërpudha të marinuara (mund edhe nga konserva)

-1 lugë mustardë të ëmbël

-1 lugë lëng limoni

-1 lugë ajkë të thartë

-6 lugë majonezë

-kripë

Përgatitja:

I presim mishin, ananasin dhe mollën në kube të vogla.E qërojmë selinon dhe e presim ose shtrydhim në shirita të hollë.Mollën dhe selinon menjëherë i spërkatim me lëng limoni të mos errësohen.I ndajmë gjethet më të mëdha të spinaqit ose të sallatës së gjelbër, ndërsa ato më të voglat i presim, ndajmë një pjesë të arrave për dekorimin, ndërsa të tjerat i copëtojmë në copa më të mëdha.

Të gjitha këto i përziejmë me kërpudhat dhe i kripim.Në një enë qelqi më të thellë në pjesën e poshtme i radhitim gjethet e spinaqit ose të sallatës së gjelbër, mbi to vëmë sallatën e përgatitur, ndaras e përziejmë majonezën, mustardën dhe ajkën dhe me këtë përzierje e derdhim sallatën.E dekorojmë me arrat dhe e lëmë në frigorifer derisa të shërbejmë.

Krepa me fruta deti

Përbërësit për 6 persona:

-3 vezë

-500 ml qumësht

-250 g miell

-kripë

-40 g gjalpë

Për kremin me karkaleca:

-200 ml panna

250 gr Mascarpone

-1 lugë salcë domatesh

-1 gotë Brandy

-2 thelpinjtë hudhër

-40 gr gjalp

-2 lugë vaj ulliri

-kripë

-piper

-2 lugë majdanoz të grirë hollë

-500 gr karkaleca të pastruar

Përgatitja:

Fillimisht merremi me përgatitjen e brumit për crepes. Në një enë rrahim vezët bashkë me qumështin dhe më pas shtojmë miellin. Masës i shtojmë pak gjalpë të shkrirë dhe më pas i përziejmë mirë e mirë të gjithë përbërësit Vendosim në zjarr një krepiere, ose një tigan të cekët kundër ngjitjes dhe nisim të pjekim me radhë crepes. Ndërkohë në një tigan hedhim vajin e ullirit , gjalpin dhe hudhrat. Shtojmë karkalecat dhe teksa i trazojmë hedhim edhe Bandyn. Pasi të ketë avulluar alkooli, shtojmë salcën, panën dhe kremin mascarpone. I lemë në zjarr derisa të krijohet një masë e njëtrajtshme më pas i shtojmë pak kripë, piper si dhe majdanozin e grirë. Tek secila prej crepes, hedhim në mes 2-3 lugë (ose sipas dëshirës) kremin e përgatitur dhe i mbyllim duke krijuar formën e dëshiruar.