Deputeti demokrat Lefter Gështenja, ka folur për ngjarjet brenda PD-së dhe nëse Sali Berisha duhet të largohet njëlloj si Basha. I ftuar në emisionin ‘Të Paekspozuarit’, pas pyetjeve të gazetarit Ylli Rakipi, deputeti Gështenja sugjeroi se Berisha edhe mund të mos e bëjë këtë hap pas, duke nënkuptuar se nuk ka më arsye për tu tërhequr.

Ndërkohë që Kryeministri po zhvillon takime zyrtare në Azerbajxhan dhe në Turqi, Kuvendi i Shqipërisë do të mblidhet si çdo të enjte në seancë plenare në orën 10:00. Në rendin e ditës është interpelanca me Ministren e Shëndetësisë Ogerta Manastirliu dhe interpelanca me Ministren e Financave Delina Ibrahimaj, kërkuar nga deputeti Zef Hila.

Prokuroria e Posaçme kundër Korrupsionit dhe Krimit të Organizuar ka bërë rekurs në Gjykatën e Lartë që ish ministri i brendshëm, Sajmir Tahiri të shpallet fajtor për akuzat e ngritura në fillim.

“Shtetet e Bashkuara janë të përkushtuara për të vënë demokracinë dhe të drejtat e njeriut në qendër të politikës sonë të jashtme.”, kështu thuhet në reagimin e ambasadës amerikane në Tiranë, lidhur me raportin e publikuar një ditë më parë nga DASH për të drejtat e njeriut.