Rritet bilanci në SHBA me shifra të frikshme, 2231 të vdekur gjatë 24 orëve të fundit
Në Shtetet e Bashkuara të Amerikës vazhdon rritja e numrit të rasteve të reja dhe vdekjeve nga koronavirusi me shifra të larta.
Sipas shifrave të publikuara nga univeristeti John Hopkins, në SHBA gjatë 24 orëve të fundit janë shënuar 28 mijë e 420 raste të reja dhe 2 mijë e 231 të vdekur.
Në total, numri rasteve ka shkuar në 1 milion e 257 mijë e 023, ndërsa numri i të vdekurve ka shkuar në 75 mijë e 662 të vdekur.
Shifrat e rasteve dhe viktimave përfshijnë të gjitha shtetet e SHBA-së, rrethin e Columbias dhe rastet nga riatdhesimet.
