Një barkë britanike është sekuestruar nga autoritetet franceze, ndërsa një tjetre i është dhënë paralajmërim verbal si pjesë e eskalimit të mosmarrëveshjes për të drejtat e peshkimit pas Brexit-it. Ministrja franceze e Çështjeve Detare, Annick Girardin, tha se anijet janë paralajmëruar gjatë kontrollimeve afër Le Havre-s gjatë natës, shkruan BBC.

Me falënderime dhe lëvdata, Presidenti gjerman Steinmeier, e liroi nga detyra qeverinë Merkel. Periudha e qeverisjes suaj ishte brujtëse për imazhin e Gjermanisë në botë, i tha presidenti kancelares, shkruan Deutsche Welle. Presidenti Federal Frank-Walter Steinmeier i shprehu kancelares gjermane Angela Merkel dhe qeverisë së saj respektin dhe falënderimet e tij për për punën e tyre në këto katër vite. Përfundoi një “periudhë kancelarore që mund të konsiderohet si ndër më të mëdhatë në historinë e kësaj republike”, tha Steinmeier në Berlin me rastin e lirimit të Merkelit dhe ministrave së saj. Më parë ai i kishte kërkuar kabinetit Merkel që të qendronte në detyrë, me kompetenca ekzekutive, derisa të zgjidhej një qeveri e re. Mandati i tyre përfundoi me konstituimin e Bundestagut, gjatë paradites së të martës.

Shtetet e Bashkuara së shpejti do të lejojnë hyrjen në vend përmes transportit ajror të shtetasve të huaj, që janë plotësisht të vaksinuar, ose atyre që paraqesin një test negativ për COVID-19 të bërë brenda 24 orëve para udhëtimit, njoftoi Shtëpia e Bardhë të hënën.

Hong Kongu do të forcojë më tej kufizimet e udhëtimit për shkak të koronavirusit. Kufizimet do të vendosen pavarësisht shqetësimeve nga komuniteti i biznesit se qyteti do të mbetet pafundësisht i shkëputur nga pjesa tjetër e botës, me një nga regjimet më të rrepta të karantinës në botë. Vizitorët nga shumica e vendeve duhet të kalojnë 14 deri në 21 ditë në karantinë hoteli pas mbërritjes.