Quhet Vla2001 dhe bazohet mbi një teknologji të sprovuar në vaksina kundër gripit e të tjera të përdorura tek fëmijët.Krijon 40% më shumë antitrupa se AstraZeneca dhe ka një profil më të mirë sigurie. Agjensia europiane e barnave, EMA ka nisur verifikimin e kësaj vaksine të re kundër Covid 19, të krijuar nga Valneva, një firmë franceze biotecnologjie, e që duket se do të jetë më e pranueshme se vaksinat e tjera e do të bindë edhe novax-ët e pabindur, sipas zyrtarëve europianë.

Merkel mbështet vaksinimin e detyrueshëm dhe thotë se kërkohet "akt i solidaritetit kombëtar". Vaksinimi mund të bëhet i detyrueshëm në Gjermani nga muaji shkurti, tha Angela Merkel, teksa njoftoi atë që pasardhësi i saj si kancelar, Olaf Scholz, e përshkroi si "një izolim të të pavaksinuarve".

Manila, Filipine - Zyrtarët e Organizatës Botërore të Shëndetësisë në Paqësorin Perëndimor thonë se mbylljet e kufijve të miratuara nga disa vende mund të fitojnë kohë për t'u marrë me variantin Omicron të koronavirusit, por masat e vendosura dhe përvoja e fituar në trajtimin e variantit Delta duhet të mbeten themeli për të luftuar pandeminë.

Udhëheqësit e Bashkimit Evropian thanë të mërkurën se po shqyrtojnë një sërë opsionesh, përfshirë atë të nxjerrjes së urdhrave për vaksinim të detyrueshëm, me synimin për të trajtuar kërcënimin në rritje që paraqet varianti Omicron i korovirusit.