Ministri gjerman i mbrojtjes, Christine Lambrecht ka konfirmuar se vendi do t’i dorëzojë Ukrainës 15 tanke “Gepard” në korrik. Lambrecht në një bisedë me homologun ukrainas, Oleksii Reznikov ra dakord për këtë vendim ndërsa lufta vijon.

Gazprom i Rusisë i ka ndaluar sot eksportet e gazit Finlandën fqinje, si pasojë e përshkallëzimit të mosmarrëveshjes së pagesave. Gazprom që tha se kjo ishte për shkak se Helsinki (kompania e importit të Gasum) nuk kishte paguar pagesat e prillit në rubla, siç kërkoi Moska.

Në sesionin e 19 majit të Këshillit të Sigurisë të Kombëve të Bashkuara, CEO i Gro Intelligence, Sara Menker, foli për krizën globale të ushqimit në rritje dhe për faktorëve të paprecedentë që kontribuojnë në këtë krizë dhe ndikimin e saj joproporcional në vendet me të ardhura më të ulëta.

Presidenti amerikan Joe Biden po takohet në këto momente në Shtëpinë e Bardhë me Presidentin e Finlandës Sauli Niinisto dhe Kryeministren suedeze Magdalena Andersson, për bisedime rreth kërkesës së vendeve të tyre për anëtarësim në NATO, mbështetjes për Ukrainën dhe sigurinë evropiane.