Joe Biden e kthen vëmendjen e tij përsëri në Azi
Presidenti Joe Biden niset të enjten për një vizitë për nxitjen e aleancës në Azi, një udhëtim i parë dhe i vonuar në një rajon por që mbetet kryesor për qëllimet e tij të politikës së jashtme edhe pse fokusi i tij është tërhequr, për shkak të luftës në Ukrainë.
Ndalesat e Bidenit në dy aleatë të vendosur të SHBA-së – Korenë e Jugut dhe Japoninë – kanë për qëllim të forcojnë partneritetet në një moment paqëndrueshmërie globale.
Ndërsa Biden dhe ekipi i tij kanë shpenzuar shumë nga koha dhe burimet e tyre për pushtimin e Ukrainës nga Rusia, provokimet nga Koreja e Veriut janë intensifikuar dhe Kina vazhdon të rris fuqinë e saj ekonomike dhe ushtarake.
Rivendosja e politikës së jashtme të SHBA: Pas muajsh vëmendjeje gjithëpërfshirëse mbi luftën e Rusisë në Ukrainë – një konflikt që ka nxitur krahasimet me Luftën e Ftohtë dhe ka rigjallëruar aleancat e ndërtuara shekullin e kaluar – vizita debutuese e Biden në Azi është një mundësi për të rinovuar atë që ai e sheh si sfidën e këtij shekulli : Përballja me një Kinë në rritje përmes një sistemi të rinovimit të partneriteteve ekonomike dhe ushtarake.
Dhe, ndërsa lufta e Rusisë po vazhdon, tensionet janë ndërtuar diku tjetër.
Koreja e Veriut, të cilën Biden e identifikoi si sfidën e tij më të madhe të politikës së jashtme në fillim të presidencës së tij, rifilloi testet provokuese të armëve përpara inaugurimit të Presidentit të zgjedhur të Koresë së Jugut, Yoon Seok-youl.
