Koalicioni opozitar nuk terhiqet, zgjedhje te lira, qeveri teknike
Kreu i PD-së, Lulzim Basha, permes nje deklarate ne oret e vona te mbremjes nga cadra e protestes është shprehur se ka mbështetjen e Uashingtonit për kauzën e zgjedhjeve të lira dhe të ndershme.
Ndërkohë Basha ka theksuar edhe njëherë se zgjidhja e vetme e krizës politike është largimi i kryeministrit Rama dhe krijimi i qeverisë teknike.
"Beteja është futur në fazën e vetë vendimtare. Le të qëndrojmë këtu pa na bërë syri tërrt deri sa të realizojmë fitoren tjetër të madhe dhe vendimtare, që është fitorja e demokracisë së vërtetë", është shprehur kreu i PD-së.
Deklarata e Bashës:
Mesazhet që kam sjellë prej Amerikës i keni dëgjuar të gjithë, paniku dhe tmerri që ka kapur kundërshtarin tonë nga mesazhet e mbështetje totale për këtë protestë e shëron dhe çliron vetëm një ilaç: Largimi i tij një orë e më parë nga zyra që ka zaptuar me krimin e organizuar dhe hapja e rrugës për një qeveri teknike që do garantojë zgjedhje të lira dhe të ndershme.
Besnikërisht ju them se për zgjedhje të lira dhe të ndershme mbështetja do të jetë e pakursyer.
Beteja është futur në fazën e vetë vendimtare. Le të qëndrojmë këtu pa na bërë syri tërrt deri sa të realizojmë fitoren tjetër të madhe dhe vendimtare, që është fitorja e demokracisë së vërtetë.
Ju jap fjalën se nuk tërhiqem, do jemi bashkë këtu derisa beteja të përfundojë me fitoren totale.
Hilet e mëdha, hilet shumëkatëshe i bën ai atje(Rama) edhe për pak kohë se nuk do ketë shanse të tërheqë këtë popull prej hunde.Zgjedhjet e lira po afrojë, ora e fitores po afron.
