Vendimi më i ri i Kushtetueses, ankimimi për statusin e gjyqtarëve në Tiranë
Ditën e sotme në Gjykatën Kushtetuese po zhvillohet seanca për ankimimin e Unionit të Gjyqtarëve dhe Shoqatës Kombëtare të Gjyqtareve për ligjin e statusit të gjyqtarit. Ndërkohë mësohet se trupi gjykues është tërhequr për vendim.
Ata kërkojnë pezullim dhe shfuqizim të ligjit në fjalë,pasi sipas tyre është antikushtetues dhe madje cenon pavarësinë e gjyqësorit dhe shkel standardet e përcaktuara nga Komisioni i Venecias.
Kreu i Unionit të Gjyqtarëve, Gert Hoxha, u shpreh: “Në 12 prill, Këshilli i Lartë i Drejtësisë përfundon funksionimin sipas disa dispozitave ligjore të ligjit për statusin e gjyqtareve dhe prokuroreve dhe atij për organizimin e funksionimin e organëve të qeverisjes së gjyqësorit. Kjo gjë bie në kundershtim flagrant me nenin 179 të të Kushtetutës”.
Pika e parë e kërkesës ishte pezullimi i ligjit derisa Gjykata Kushtetuese të shprehet ne lidhje me kërkesën. Gjykata vendosi të shprehet pasi të dëgjojë parashtrimet e palëve.
Përfaqësuesja e Kuvendit, Vasilika Hysi, kërkoi kohë të njihet me kërkesat, por gjykata rrëzoi kërkesën.
