Gjatë ditës së sotme, makina e aktorit të njohur Laert Vasili është përfshirë nga flakët.
Sipas raportimeve nga policia, ngjarja ka ndodhur pranë banesës së Vasilit, në zonën e Tregut Elektrik, në kryeqytet. Fatmirësisht, aktori nuk ka pësuar lëndime pasi nuk është gjendur pranë makinës në ato momente.
Policia dyshon se zjarri ka nisur për shkak të një defekti elektrik të automjetit.
Ky nuk është incidenti i parë që i ka ndodhur aktorit, vetëm pak muaj më parë atë e sulmuan dhe e rrahën disa persona të panjohur, të cilët kishin tentuar ta grabisnin. Të paktën kështu është shprehur Vasili pas incidentit.
