Me dhunë sot në shesh/ Pse Rama dhe Veliaj u tërbuan nga ‘7 korriku’
Një mesazh i shpërndarë gjerësisht në rrjetet sociale tregon se si po organizohet anti-mitingu i Edi Ramës.
Ditën e sotme, administrata është urdhëruar të dalë përdhunshëm në shesh.
Ndërkohë Edi Rama po përdor në mënyrë skandaloze një ditë historike të marrëdhënieve me SHBA, për interesat e tij politike të momentit.
or përse Edi Rama dhe Erion Veliaj po shpenzojnë miliona dhe po bëjnë pis marrëdhëniet me SHBA për një anti-miting të tillë?
Arsyeja duhet kërkuar te protesta masive e 7 korrikut.
Ajo që e bën shumë interesante protestën e 7 korrikut, nuk ishte vetëm pjesëmarrja masive e qytetarëve, por mbi të gjitha fakti se në shesh kishte zbritur Tirana.
Kjo u duk nga fakti se sheshi u mbush në mënyrë të jashtëzakonshme në minutat e fundit, çka tregon se aty kanë ardhur pasivisht qytetarët e Tiranës.
Një gjë e tillë tërboi Edi Ramën, i cili nisi të përdorë Erion Veliajn që të deklarojë se Tirana e refuzoi protestën, kur në fakt kishte ndodhur krejt e kundërta.
Nëse nuk do ishin shqetësuar nga fakti se kryeqyteti zbriti në shesh, nuk do detyroheshin të bënin një anti-miting në mesin e sezonit, në kulmin e vapës, duke shkelur çdo standard minimal demokratik.
