Berisha: Mbështes grevën e avokatëve, të anulohet urgjent harta gjyqësore
Kryetari demokrat, Sali Berisha, reagoi në lidhje me grevën e avokatëve, të cilët kërkojnë anulimin e hartës së re gjyqësore.
POSTIMI I PLOTE
Sot greva 4-ditore e avokatëve të vendit kundër Hartës së Gjykatave.
Të dashur miq, sot të gjithë avokatët e vendit nisën grevën katërditore kundër hartës së re antikushtetuese, antiligjore, të sistemit të gjykatave që dhunon rëndë parimet e procesit të rregullt gjyqësor për qytetarët shqiptarë.
Kjo hartë në mënyrë arbitrare mbyll 9 gjykata fakti, 4 gjykata apeli administrative dhe 5 gjykata apeli. Ajo, me shpenzimet shtesë që u krijon qytetarëve, udhëtime, hotele etj, e bën të papërballueshëm procesin gjyqësor për shtresat në nevojë.
Me hartën antikushtetuese, Rama ka dy qëllime kryesore:
• Të vendosë nën kontroll të plotë vendimet e gjykatave dhe të maskojë falimentimin e sistemit gjyqësor nga pseudoreforma e këtij sistemi.
• Duke i dhënë mbështetje të plotë grevës të avokatëve të vendit në mbrojtje të të drejtave themelore të qytetarëve shqiptarë, u bëj thirrje të gjithë profesioneve të tjera të lidhura me proceset gjyqësore, të hidhen në grevë dhe të kërkojnë anulimin e menjëhershëm të saj.
