Rama dhe Balluku thirren në interpelancë për çmimet abuzive dhe revoltën popullore
Kuvendi i Shqipërisë do të mblidhet sot në seancë plenare në orën 10:00.
9 pika janë radhitur në rendin e ditës, që fillojnë me mocionin për zhvillimin e debatit në lidhje me rritjen e çmimeve dhe marrjen e masave të menjëhershme të kërkuar nga Enkelejd Alibeaj në emër të grupit parlamentar të PD-së.
Po ashtu, interpelanca më kryeministrin Edi Rama që u kërkua që javën e kaluar nga grup deputetësh, anëtarë të Komisionit të Rithemelimit të PD-së.
Në interpelancë është thirrur edhe ministrja e Energjitikës Belinda Balluku nga deputetët Albana Vokshi dhe Flamur Noka.
Pyetje do t’i bëhen Ministrit të Brendshëm Bledi Çuçi nga Nënkryetari i LSI, Petrit Vasili.
Në vijim, janë dy projektligje për miratim.
