Meta: Drejtësia të hetojë, në 25 prill regjimi i fuksave do të marrë fund
Presidenti Ilir Meta ka reaguar në lidhje me marrjen e të dhënave personale nga PS e Edi Ramës dhe përdorimi i tyre për zgjedhjet.
Reagimi i presidentit Ilir Meta:
Vjedhja nga sistemi digjital kombëtar dhe përdorimi politik i të dhënave personale, përmes metodave diktatoriale, është një lajm tronditës për çdo shqiptar por dhe për çdo europian.
Ndaj të njëjtin shqetësim të thellë dhe u bëj thirrje organeve të drejtësisë të veprojnë me shpejtësi duke nxjerrë para përgjegjësisë ligjore ideatorët dhe ekzekutorët e këtyre praktikave survejimi e përndjekjeje, që e kthejnë vendin vite pas dhe i nxijnë faqen Shqipërisë kudo në botë.
Pyetjet legjitime të ngritura nga përfaqësuesja e SPD duhej në fakt të kishin alarmuar Komisionerin për Mbrojtjen e të Dhënave Personale, Avokatin e Popullit dhe çdo institucion shtetëror, që e kanë detyrë kushtetuese dhe ligjore mbrojtjen e lirive dhe të drejtave të njeriut, demokracisë dhe shtetit ligjor.
Më 25 prill regjimi i fuksave do të marrë fund njëherë e përgjithmonë!
