Pandemia, sipas Merkel & Co, shans për rend të ri të botëror
"Pas koronavirusit bota do të jetë ndryshe." Kjo bindje i nixiti kancelaren gjermane Merkel dhe politikanë të tjerë ndërkombëtar të nivelit të lartë të drejtohen me një apel për bashkëpunim, njofton Deutche Welle.
Për autorët e ftuar nga „Frankfurter Allgemeine Zeitung" të një artikulli publikuar në numrin e së mërkurës (03.02) ka ardhur koha për një bazë të re të përbashkët.
Pandemia Corona, sipas mendimit të kancelares Angela Merkel dhe të tjerë poliitkanëve ndërkombëtar të nivelit të lartë ofron shansin për një rend të ri të politikës botërore. Kriza aktuale jep shkas që „përmes bashkëpunimit dhe koordinimit efikas të arrihet sërish një konsensus mbi rendin ndërkombëtar, i cili të bazohet tek multilateralizmi dhe shteti ligjor", thuhet në artikullin e të ftuarve në "Frankfurter Allgemeine Zeitung" botuar edhe në gazeta të tjera.
Artikulli është nënshkruar edhe nga preisdenti i Francës Emmanuel Macron dhe kreu i shtetit në Senegal Macky Sall. Në shkrim marrin pjesë përfaqësues të organizatave dhe institutcioneve ndërkombëtare duke u nënshkruar nga Sekretari i Përgjithshëm i OKB-së António Guterres, Presidentja e Komisionit të BE-së Ursula von der Leyen dhe Presidenti i Këshillit të BE-së, Charles Michel.
Të gjithë për një
Kriza e COVID-19 është „prej gjeneratash sprova më e madhe për solidaritetin mbarëbotëror", thuhet më tej në tekst. "Edhe nëse vetëm një vend i vetëm në botë preket prej COVID-19, të rrezikuar janë njerëzit dhe ekonomitë popullore anë e mbanë." Prej kësaj duhen nxjerrë mësime për krizat e ardhëshme. „Në vend të përballjes së kulturave dhe vlerave kundrejt njeri-tjetrit, ne duhet të ndërtojmë një multilateralizëm integrues. Në këtë kontekst ne duhet të respektojmë dallimet mes nesh po ashtu si edhe vlerat e përbashkëta, që janë të ankoruara në Deklaratën e Përgjithshme të të Drejtave të Njeriut."
Sërish pritet prej G7 dhe G20
Po jo vetëm pandemia kërkon një përgjigje të fortë dhe të koordinuar ndërkombëtarisht. Nga situata aktuale duhet të nxirren mësimet për krizat e së ardhmes. Si shembuj autorët e artikullit përmendin urinë dhe varfërinë ekstreme, shkatërrimin e mjedisit, sëmundjet, krizat ekonomike dhe konfliktet. Ata kërkojnë një angazhim më të fortë për demokracinë, arsimin dhe barazinë si dhe kundër nacionalizmit e proteksionizmit. Grupi propozon një bashkëpunim më të ngushtë në kuadër të forumeve ndërkombëtare të G7 dhe G20. Në fushën e shëndetësisë autorët bëjnë thirrje për një akses më të drejtë dhe të përshpejtuar tek testimet, trajtimet dhe vaksinat.
Të mos harrohet mbrojtja e klimës
Autorët fokusohen edhe tek ndryshimi i klimës. Të gjitha qeveritë, sipërmarrjet, qytetet dhe institucionet financiare duhet të marrin pjesë në proceisn e pakësimit të emisioneve të dioksidit të karbonit. Mbrojtja e mjedisit dhe shëndetit si dhe standardet më sociale duhet të jenë në „qendër të modeleve tona ekonomike dhe njëkohësisht të mundësojnë novacionin e nevojshëm", thuhet në shkrim: „Ne duhet të garantojmë, që hopi global të jetë i prekshëm për të gjithë. Ne duhet të përforocojmë mbështetjen tonë për vendet në zhvillim veçanërisht në Afrikë.
