Kryeministri i ri Hoti merr detyrën në orën 9:00
Kryeministri i ri i Kosovës Avdullah Hotit do ta marrë sot zyrtarisht detyrën e tij në krye të qeverisë me një ceremoni që do të bëhet në orën 9:00.
Sipas njoftimit zyrtar nga Zyra e shtypit e Kryeministrit, “njoftohen përfaqësuesit e mediave se ceremonia e marrjes së detyrës nga Kryeministri i zgjedhur, Avdullah Hoti, do të mbahet të enjten, më 4 qershor 2020, me fillim në ora 9:00”.
Avdullah Hoti nga Lidhja Demokratike e Kosovës u zgjodh Kryeministër i Kosovës nga deputetët e Kuvendit të Kosovës, me 61 vota pro, 24 kundër dhe 1 abstenim.
Hoti u zgjodh kryeministër pas shkarkimit të Qeverisë Kurti më 25 mars, shkarkim me mocion mosbesimi i nisur nga ish-partneri i VV në koalicion, LDK.
