Numërimi mbrapsht për 'Zgjedhoren', Basha mbledh aleatët në 12:00
Kreu i Partisë Demokratike Lulzim Basha mbledh ditën e sotme në orën 12:00 aleatët në selinë blu. Ky takim vjen në kohën kur mbyllja për reformën zgjedhore është në orët e fundit dhe e diela, 31 maj duhet të shënojë dhe finalizimin e saj si afat i vendosur nga vetë palët politike.
3 ditë më parë kryedemokrati Basha u takua edhe me ambasadoren e SHBA, Yuri Kim e cila i kërkoi palëve politike të tregojnë vullnet dhe të mbyllin reformën brenda 31 majit.
Një ditë pas takimit me Yuri Kim, Basha u takua dhe me ambasadorin gjerman Peter Zingraf si dhe me Kryemadhin dhe Vasilin, për të diskutuar për zgjedhoren.
