Pas ‘detyrës’ për lyerjen e pallatit, kryeministri Rama i ka kërkuar sot kryebashkiakut të Tiranës, Erion Veliaj, të rregullojë që nesër një kanal në një nga fshatrat ku ai ndodhej sot në mbrëmje teksa vizitonte një familje e cila ishte pajisur me shtëpi të re pas tërmetit të 26 nëntorit.

Teksa drejtoheshin për te shtëpia e banorit Rama vuri re që rruga ishte në kushte shumë të këqija dhe i kërkoi llogari Veliajt.

Rama: Mire këtë kanalin do ta rregulloni?

Veliaj: Fillimisht bëmë shtëpitë të fusim kokën edhe pastaj do bëjmë edhe kanalin

Rama: Jo pastaj, jo pastaj kanali duhet bërë nesër.

Veliaj: Po fillimisht duhet bërë shtëpia pastaj kanali

Por çështja e kanalit nuk u kalua kaq shpejtë nga Rama. Ai ja rikujtoi sërish Veliajt kur ata ndodheshin brenda shtëpisë. Në momentin që i zbuloi dhuratën djalit të vogël, një makinë lodër, Rama i tha “tani shtëpinë e ke të shtrume mund ta xhirosh këtu”, ndërsa Veliaj ndërhyri duke thënë “edhe te oborri” por u ndërpre nga kryeministri.

Rama: Jo te oborri jo po nuk rregullove atë rrugën ti nuk lëviz ajo, rregullo atë kanalin aty

Veliaj: Sot u futem në shtëpi njëherë

Rama: Jo sot u futëm në shtëpi, nesër kanalin. (I drejtohet dikujt tjetër) Gento, tani unë i them atij po të takon ty.

Genti: Janë pasojat

Rama: Ça pasojash?

Genti: Janë pasojat e shumë viteve

Rama: Fillut prapë juve me këto si puna ksaj që thotë kam bo frëngjisht para shumë viteve. Sa vite u bom ne. S’ka më pasojat e shumë viteve rregullo kanalin. Do thotë goca pastaj doja me mësu po më ra libri në kanal.

Veliaj: Rifat, përtej humorit që bën kryeministri …

Rama: Jo s’është humor duhet bërë kanali