Paradoksi: Kryesojmë presidencën, OSBE na rrëzon ligjin për median
Pesë komisione të Kuvendit pritet të mblidhen të martën për të shqyrtuar dy projektligjet e paketës antishpifje.
Ky zhvillim vjen një ditë pasi përfaqësuesi i OSBE për Mediat, Harlem Desir, rrëzoi sërish projektligjet e propozuara nga qeveria, edhe pse kjo e fundit thotë se ka bërë përmirësime.
Vlen të theksohet se kjo ‘shuplakë’ e OSBE është pasqyruar në disa prej mediave më të njohura në botë, si Nju Jork Tajms apo Uashington Post.
Edhe Zëri i Amerikës në anglisht pasqyroi shqetësimin e organizatave për mbrojtjen e lirisë së medias se këto nisma qeveritare do të cënojnë lirinë e të shprehurit dhe të menduarit.
Ndërkohë para pak ditësh, Shqipëria mori presidencën e OSBE-së, pavarësisht deficiteve të shumta demokratike në vend.
