Qeveria: Trajtim të veçantë familjeve të viktimave, apartamente edhe në Tiranë
Qeveria ka vendosur t’i fusë në shtëpi të reja, familjet e viktimave të tërmetit në Thumanë dhe në Durrës. Kryeministri Edi Rama tha sot në mëngjes në mbledhjen e Qeverisë që të kontaktohet me këto familje se ku duan të jetojnë dhe Qeveria është gati t’i japë atyre apartamente edhe në Tiranë.
Pasi lexoi listën e plotë të familjeve të viktimave, për të cilën Rama la hapësirën që të plotësohet nëse ka nevojë, ai tha: “Për familjet që patën viktima, kryeministri Rama, duke kërkuar ndjesë për ndonjë lapsus apo mungesë që do të ketë, kush hyn në këtë kategori duhet të trajtohet në mënyrë të veçantë dhe këto shtëpi duhet të hyjnë në shtëpi të reja urgjent. Ne i kemi gati mundësitë për ta. Duhet caktuar një person specifik për ta dhe duhet një person në Shtab që të bëjë kontaktin me ta që të thonë se ku duhet të rrinë.
Familjeve në Thumanë jemi gati t’u afrojmë menjëhërë apartamentin në Tiranë.
Jemi gati dhe kemi arredimin për 6 apartamente në Thumanë, por ju lutem një komunikim në Thumanë që të dimë dëshirën e tyre. Dhe ky është akti i parë që dhe bërë në kohë rekord. Ne jemi gati, komunikimi të na sjellë gatishmërinë e tyre nëse duan të vijnë në Tiranë, si ata të Thumanës, si ata të Durrësit. “
