Opozita, sot protestë në 5 akse kombëtare
Pas më shumë se dy muajsh protestë para kuvendit dhe kryeministrisë, opozita ndryshoi strategji duke bllokuar qarkullimin pothuajse në gjithë vendin. Sot pasdite, protestuesit e opozitës do të përqendrohen në 5 akse rrugore kryesore, duke i mbajtur të bllokuara në shenjë proteste për më shumë se 60 minuta.
Opozita nuk do të jetë sot para kuvendit, por e shpërndarë në 5 akse rrugore kryesore për të bllokuar lëvizjen e automjeteve për rreth 60 minuta në shenje proteste.
Protesta e opozitës do të mbahet pasditen e sotme në orën 18:30, ndëra qytetarët do të vendosen për të bllokuar lëvizjen përkatësisht në rrethrrotullimin e Bradasheshit në Elbasan, autostradën Plepa-Kavajë në Durrës, kryqëzimin e Milotit në Lezhë, rrethrrotullimin e Sheqit në Fier, dhe rrethrrotullimin e Shqiponjës në Tiranë.
1-Elbasan (Rreth rrotullimit Bradashesh).
2-Durrës (Autostrada Plepa – Kavajë, përballë Shtëpisë së Pushimit të Ushtrisë).
3-Milot (Karburanti në Autostradë).
4-Fier (Rreth rrotullimi i Sheqit).
5-Tiranë (Rreth rrotullimi Shqiponjës).
