Protesta masive e 16 shkurtit, PD ndan deputetët nëpër zona
Në mbledhjen e sotme të grupit Parlamentar të Partisë Demokratike, e drejtuar nga Edmond Spaho, është bërë ndarja e deputetëve në zona për të koordinuar protestën e 16 shkurtit.
Në zbatim të vendimit të Kryesisë në disa qarqe të vendit janë deleguar një anëtar kryesisë dhe një deputet për të koordinuar protestën e opozitës në 16 shkurt.
Mësohet se Albana Vokshi, Jorida Tabaku, Grida Duma, Gazmend Bardhi dhe Aldo Brumçi janë deleguar në Tiranë për organizmin e protestës.
Sa i përket rretheve, në Fier është deleguar Enkelejd Alibeaj dhe në Shkodër Flamur Noka.
