Vettingu vazhdon, jepet vendimi për gjyqtarin Fatos Qato
Komisioni i Pavarur i Kualifikimit (KPK) ka shkarkuar nga detyra gjyqtarin e Gjykatës së Apelit në Tiranë, Fatos Qato.
Arsyeja e shkarkimit është mosjustifikimi i pasurisë.
Qato u bë pjesë e listës prioritare të vetting-ut për shkak se ishte kandidat i Këshillit të Emërimeve në Drejtësi (KED).
KPK-ja njoftoi se hetimi administrativ për Qaton ishte fokusuar vetëm te kriteri i pasurisë.
Ndërkohë, u konfirmuan në detyrë Arben Kraja i Prokurorisë së Përgjithshme dhe Alma Kolgjokaj e Gjykatës së Krujës.
