Basha nis përgatitjet për zgjedhjet, cakton grupet e punës
Kthesë e Lulzim Bashës. Partia Demokratike nis përgatitjet në bazë për zgjedhjet e ardhshme, ato vendore të qershorit 2019, ndryshe nga sa ishte paralajmëruar nga kryedemokrati për t'i bojkotuar ato. Basha ka zhvilluar sot një takim në selinë me deputetët dhe drejtuesit e strukturave të partisë ku në fokus ka qenë organizimi i brendshëm i PD.
"Shqiptarja.com" mëson se Basha ka caktuar emrat që do kryesojnë grupet e punës në rretheve. Në Tiranë, çdo deputet i PD do kryesojë nga një njësi të kryeqytetit si Aldo Bumçi, Albana Vokshi, Grida Duma, Halim Kosova, Gerti Bogdani, Orjola Pampuri, Jorida Tabaku etj.
Ndërsa në rrethe drejtimin e grupeve të punës Basha ia ka besuar kastës së vjetër të demokratëve si Flamur Noka në Shkodër, Edi Paloka në Kukës, Fatbardh Kadilli në Vlorë, Edmond Spaho në Elbasan, Oerd Bylykbashi në Durrës dhe Arben Ibro në Lezhë.
Drejtuesit e Tiranës:
Aldo Bumçi Njësia 1
Grida Duma Njësia 9
Jorida Tabaku Njësia 8
Albana Vokshi Njësia 7
Halim Kosova Njësia 5
Gert Bogdani Njësia 3
Rudina Hajdari Njësia 11
Orjola Pampuri Njësia 10
Drejtuesit e grupeve të punës në rrethe:
Edi Paloka - Kukës
Flamur Noka - Shkodër
Arben Ibro - Lezhë
Fatbardh Kadilli - Vlorë
Edmond Spaho - Elbasan
Oerd Bylykbashi - Durrës
Fillimisht, kryetari i Partisë Demokratike, Lulzim Basha, la të hapur si opsion bojkotimin e zgjedhjeve vendore nëse nuk plotësohen kushtet e opozitës gjatë diskutimeve për reformën zgjedhore, situatën kriminale, ndërsa në skenë tashmë është edhe vettingu në politikë.
