Bushati: 6 muajt e parë të 2018 do jenë vendimtarë
Në takimin e fundivitit me ambasadorët dhe përfaqësues të trupit diplomatik të huaj në Tiranë, ministri i Jashtëm, Ditmir Bushati i cilësoi si vendimtarë për integrimin 6 muajt e parë të vitit të ardhshëm.
Kryediplomati shqiptar thotë se pikërisht në këtë periudhë Shqipëria pret që të çelen negociatat e anëtarësimit me Bashkimin Europian.
Ndërkohë, Bushati përmendi disa nga arritjet e diplomacisë për këtë vit. Ai u ndal tek bisedimet me Greqinë për zgjidhjen e çështjeve që ndajnë dy vendet dhe progresin e bërë në to, por edhe tek nismat e tjera të bashkëpunimit rajonal.
Bushati përmendi ngritjen e qendrës rajonale rinore në Tiranë, por edhe nënshkrimin e disa marrëveshjeve bashkëpunimi në fusha të ndryshme me vendet e tjera të Ballkanit.
Një prioritet për vitin e ardhshëm, tha ai, është diaspora.
“Përfshirja më shumë e diasporës, duke filluar nga viti tjetër regjistrimi i shqiptarëve kudo që ata jetojnë”, vijoi Bushati.
Ministri i Jashtëm deklaroi se shumë shpejt do të ketë një mbledhje të përbashkët mes qeverisë së Shqipërisë dhe asaj të Maqedonisë.
Shumë shpejt mbledhja e përbashkët e qeverive me Maqedoninë.
