Sulmi terrorist në Londër, Berisha dënon aktin
Ish-kryeministri Sali Berisha, ka dënuar sulmin terrorist të ndodhur një natë më parë në Londër, ku humbën jetën 6 qytetarë dhe 40 të tjerë mbetën të plagosur.
Berisha ka shprehur ngushëllimet për familjet e viktimave, ndërsa ka përgëzuar forcat policisë të cilët bënë të mundur eliminimin e tre terroristëve të sulmit të mbrëmshëm.
“Një akt i shëmtuar terrorist!
Londra mbrëmë përjetoi një natë horror nga sulmet terroriste, në të cilat pati 7 qytetarë të vrarë dhe mbi 40 të plagosur. Ndërhyrja e guximshme dhe energjike brenda minutave e forcave të sigurisë, eleminoi tre terroristët që shtypën me mikrobuze apo therën me thika viktimat e tyre.
Duke dënuar me ashpërsinë më të madhe këtë akt barbar të terrorizmit islamist, u shpreh ngushëllimet e sinqerta familjeve të viktimave, autoriteteve britanike dhe uroj shërim të plotë të plagosurve!’, shkruan ish-kryeministri Sali Berisha në mesazhin e tij në Facebook.
