Partia Demokratike zhvillon sot referendumin e anëtarësisë, për ratifikimin e vendimeve të marra nga Kuvendi Kombëtar i 11 dhjetorit. Anëtarësia do të shprehet përmes votë nëse është 'Po' apo 'Jo' shkarkimit të Lulzim Bashës nga kryetar i Partisë Demokratike. Shkarkimi i Bashës u votua nga 4446 delegatë të Kuvendit të shtunën e kaluar.

Lideri historik i PD Sali Berisha ka njoftuar protestën e opozitës në datën 20 dhjetor në Tiranë. Protesta do të zhvillohet kundër vizitës së presidentit serb Aleksandar Vuçiç në Tiranë dhe qeverisë së Edi Ramës, tha Berisha në 'Opinion'.

Departamenti amerikan i Shtetit publikoi të mërkurën raportin vjetor për terrorizmin në botë, ku thuhet se në gjatë vitit 2020, Shtetet e Bashkuara dhe partnerët e tyre shënuan përparime të mëdha e të rëndësishme kundër organizatave terroriste, por, kërcënimi nga terrorizmi është bërë më i shpërndarë gjeografikisht në rajone anembanë botës, raporton Zëri i Amerikës.