Të enjten skadon marrëveshja për targat ndërmjet Kosovës e Serbisë, e në pjesën veriore të vendit vazhdojnë të qarkullojnë vetura që nuk e respektojnë marrëveshjen, duke mos i vendosur letrat ngjitëse në tabelat me vetura serbe, njofton Donika Sherifi e RTK.

Presidentit të SHBA Joe Biden i është kërkuar të vendosë ndalime udhëtimi për avokatët britanikë që përfaqësonin oligarkët rusë "në rastet abuzive kundër gazetarëve", raporton Financial Times.

Autoritetet zvicerane kanë nisur një eksperiment për shitjen e ligjshme të kanabisit për përdorim mjekësor. Sipas projektit pilot, i cili u miratua dje, disa qindra njerëz në qytetin e Bazelit do të lejohen të blejnë kanabis nga farmacitë për qëllime mjekësore, njofton Euronews.

Pritshmëritë për kancelarin Olaf Scholz ishin të larta. Pasi Holanda njoftoi të martën pasdite se do të furnizonte Ukrainën me armë të rënda, kancelari gjerman ishte nën presion.