PARALAJMERIM PER ERE TE FORTE NE TIRANE: RAFALE DERI NE 56 KM/H GJATE DITES

Gjatë ditës së sotme, Tirana pritet të përballet me forcim të ndjeshëm të erës, sipas parashikimeve meteorologjike. Shpejtësia mesatare e erës llogaritet 9–18 km/h, ndërsa rafalet në disa momente mund të arrijnë deri në 56 km/h.

Me “rafale” nënkuptohen goditje të shkurtra dhe të forta të erës, që shfaqen papritur dhe janë dukshëm më të fuqishme se era normale. Pikërisht këto shpërthime të papritura janë ato që krijojnë rrezik më të madh në zonat urbane.

ipas specialistëve, kulmi i erës pritet gjatë orëve të mesditës dhe pasdites, çka mund të sjellë probleme të izoluara në qytet. Qytetarët këshillohen të tregojnë kujdes të shtuar, veçanërisht pranë pemëve, pallateve me punime ndërtimi dhe zonave ku ka tabela apo objekte të lëna të pambrojtur.

Rekomandohet gjithashtu:

• të sigurohen objektet në ballkone dhe tarraca,
• të shmanget parkimi i automjeteve pranë pemëve,
• dhe të tregohet kujdes gjatë lëvizjes në këmbë apo me motor.

Nuk parashikohen reshje apo stuhi, por rafalet e forta të erës mund të përbëjnë rrezik për këmbësorët dhe automjetet, ndaj këshillohet vëmendje gjatë gjithë ditës.