I. Komunikimi dhe Informacioni: Lufta kundër Panikut

Paniku vret më shumë se konflikti në ditët e para. Dezinformimi (Fake News) do të jetë arma e parë që do të përdoret për të destabilizuar vendin.

• Burimet Zyrtare: Ndiqni vetëm njoftimet e Ministrisë së Mbrojtjes, Emergjencave Civile dhe RTSH-së.

• Radio me Bateri: Nëse rrjeti i internetit ose valët celulare bien, radioja mbetet mjeti i vetëm i informimit. Siguroni një radio të thjeshtë FM/AM.

• Plani Familjar: Caktoni një pikë takimi fizike me familjarët në rast se nuk mund të komunikoni me telefon.

II. Furnizimet dhe Rezervat Strategjike Familjare

Në rast lufte, zinxhiri i furnizimit ndërpritet. Synimi nuk është grumbullimi i pafundëm, por krijimi i një autonomie për 30 ditë.

• Uji: Llogaritni 3 litra për person në ditë (për pirje dhe higjienë bazë). Mbani rezerva në depozita ose bidonë të mbyllur.

• Ushqimet: Fokusohuni te produktet me kalori dhe jetëgjatësi: miell, vaj, pasta, oriz, konserva, mjaltë dhe arra.

• Bateritë dhe Karikuesit: Powerbank-e të karikuara dhe bateri rezervë për elektrikë dore.

• Gazi: Siguroni bombola gazi të vogla për gatim në rast se ndërpritet energjia elektrike.

III. Çanta e Emergjencës (Go-Bag)

Çdo anëtar i familjes duhet të ketë një çantë shpine të bërë gati nëse duhet të braktisë banesën brenda 5 minutave: dokumente , para cash , ilace , veshje.

IV. Strehimi dhe Mbrojtja Civile

Shqipëria ka një rrjet strukturash mbrojtëse, por shumë prej tyre janë jashtë funksionit.

1. Identifikoni Bodrumet: Nëse jetoni në pallat, verifikoni gjendjen e bodrumit. Ato janë strehimet më të shpejta kundër bombardimeve ajrore.

2. Largoheni nga pikat strategjike: Nëse jetoni pranë bazave ushtarake, aeroporteve ose depove të karburantit, planifikoni një vendndodhje të dytë te të afërmit në zona rurale.

3. Fikni Burimet e Rrezikut: Në rast alarmi, mbyllni menjëherë rubinetin qendror të gazit dhe ulni automatikët e dritave.

4. Ndihmoni të moshuarit: Shumë të moshuar jetojnë vetëm; sigurohuni që kanë informacion dhe furnizime.

5. Mos spekuloni: Mos blini më shumë se ç'ju duhet. Grumbullimi i tepërt krijon mungesa artificiale që dëmtojnë të gjithë shoqërinë.

LEXO TE NGJASHME