Akuzuan Nuredin Dumanin, kamerat e sigurisë identifikojnë autorin e tritolit në banesën e motrave Nikolli
Kamerat e sigurisë kanë arritur të kapin autorin e vendosjes së tritolit në banesën me qira në Elbasan të motrave Nikolli nga Lezha.
Nga pamjet e kamerave shihet se një person duke lëvizur në zonë në momentin e shpërthimit me tritol 5 ditë më parë, në pallatin ku jetonin motrat Alda dhe Xhovana Nikolli.
Mësohet se Policia ka identifikuar personin e dyshuar, por për arsye hetimi, emri i tij nuk bëhet i ditur. Për atentatin ku fatkeqsisht mbeti i plagosur rendë fqinji i tyre 26-vjeçar, i cili prej 5 ditësh ndodhet tek Trauma në gjendje të rëndë.
Për atentatin motrat Nikolli kanë akuzuar të penduarin e drejtësisë, Nuredin Dumanin, me të cilin njëra prej tyre, Alda dy muaj më parë kishte nisur një romancë.
Përmes një interviste, Alda ka zbuluar se Dumani e kishte kërcënuar dhe bërë presion, madje dy herë dukë dhunuar Amarildo Nikolli, kunatin e saj i cili gjithashtu ndodhet në burg i akuzuar si vrasës me pagesë.
