Sa shpesh duhet t'i ndërroni çarçafët?- Këshilla e Dr. Browning
Disa mund ta mendojnë atë si një temë që nuk duhet diskutuar publikisht, por është një temë që prek secilin prej nesh: Sa shpesh duhet t’i ndërroni dhe lani çarçafët?
Një sondazh është bërë së fundi te 2250 të rritur në Mbretërinë e Bashkuar.
Dr. Lindsay Browning, një psikologe, neuroshkencëtare dhe eksperte e gjumit thotë se ne duhet t'i ndërrojmë çarçafët një herë në javë, ose maksimumi çdo dy javë.
Higjiena është një faktor i madh dhe një nga arsyet është djersa. Nëse keni provuar ndonjëherë të flini në një valë të nxehti, do ta kuptoni se sa e vështirë mund të jetë.
“Djersa futet në çarçafë duke i bërë ato jo vetëm të kenë erë të neveritshme, por edhe të lagështiten mjaft”, sipas Dr Browning.
Ajo thotë se ne duhet të kemi fluks ajri për t'u ndjerë të freskët kur flemë - pasi në atë kohë kemi rehatinë më të mirë.
Por nuk është vetëm djersa për të cilën duhet të mendojmë, por edhe qelizat tona të vdekura të lëkurës nga të cilat shpëtojmë gjatë gjumit e janë gjithashtu një shqetësim.
"Nëse nuk i lani mjaftueshëm çarçafët, qelizat tuaja të vdekura të lëkurës do të grumbullohen në këto çarçafë."
Tingëllon e tmerrshme? Edhe më keq. Ky grumbullim do të thotë që krijesat e vogla të njohura si mikrobet mund të ushqehen me ato qeliza, duke shkaktuar parehati dhe skuqje të lëkurës.
"Ju nuk do të jeni të vetëm kur flini nën lagështinë e djersës dhe qelizave të vdekura të lëkurës, por bashkë me mikrobet."
