Nëse doni të humbni peshë rrini larg këtyre frutave
Frutat dhe perimet i sigurojnë trupit tonë shumë lëndë ushqyese thelbësore dhe duhet të jenë një pjesë kyçe e të gjitha dietave tona.
Në fakt, NHS rekomandon që një i rritur mesatar të konsumojë të paktën pesë porcione frutash dhe perimesh të ndryshme në ditë.
Organizata shëndetësore këshillon: “Ka prova që njerëzit që hanë të paktën pesë porcione fruta dhe perime në ditë kanë një rrezik më të ulët të sëmundjeve të zemrës, goditjes në tru dhe disa lloje kanceri”.
Megjithatë, eksperti i dietës Dr. Michael Mosley ka pohuar se ka disa fruta të ngrëna zakonisht që duhet të hani më pak nëse dëshironi të humbni peshë.
Ai shpjegon: “Ajo që hani ka një ndikim të thellë në shëndetin tuaj mendor, dhe rrjedhimisht në nivelet tuaja të energjisë. Pasi të keni filluar rrethin e virtytshëm, atëherë të gjitha gjërat e tjera bëhen shumë më të lehta.”
Cilat fruta duhet të shmangim nëse duam të humbim peshë?
Eksperti i dietës tha: “Frutat janë të shkëlqyera nëse jeni të shëndetshëm, por nëse keni peshë për të humbur, atëherë kalimi në fruta me më pak sheqer si mollët dhe manaferrat mund të jetë e mençur”.
Ai tha se frutat si mango janë mjaft të larta në sheqerna natyrale në krahasim me frutat e tjera si rrushi, mjedra apo avokado.
Përveç mangove, Dr Michael ka sugjeruar gjithashtu që ne duhet të shmangim ngrënien e pjeprit dhe ananasit shumë shpesh, pasi ato gjithashtu përmbajnë shumë sheqer. Në vend të kësaj, është më mirë të zgjidhni fruta me më pak sheqer, si manaferrat.
Ai shpjegoi: “Një mango me përmasa mesatare përmban 45 gram sheqer. Për ta thënë se në krahasim me frutat e tjera, një filxhan rrush ka 23 gram, një filxhan me mjedër ka pesë gramë, ndërsa një avokado e plotë përmban 1.33 gram sheqer”.
Ai vazhdoi se njerëzit që janë të rinj dhe të dobët mund të shpëtojnë duke ngrënë fruta me sheqer si mango ose banane, por ata që përpiqen të humbin peshë duhet t’i shmangin ato.
