Harrojeni akullin, kjo metodë do të heqë menjëherë çamçakëzin e ngjitur në flokë

A ju ka ngecur ndonjëherë çamçakëzi në flokë?

Disa njerëz mund të mendojnë se kjo tingëllon e çuditshme, por për shumë prej nesh, veçanërisht ata që kanë fëmijë, ose ata që e kanë bërë gabimin kur ishin vetë fëmijë, vetëm mendimi i çamçakëzit sjell kujtime të tmerrshme kur duhet të prisni një copë flokësh. Por, siç rezulton, ka në të vërtetë mënyra se si mund ta largoni çamçakëzin e ngjitur në flokë.

Për disa kohë, njerëzit kanë pohuar se mund të përdorni gjëra të tilla si gjalpi i kikirikut ose akulli për të ndihmuar në heqjen e çamçakëzit nga flokët, por sipas një eksperteje flokësh në TikTok, do të keni edhe më shumë sukses nëse përdorni vetëm një artikull të zakonshëm stilimi të flokëve që ju ndoshta tashmë e keni në shtëpinë tuaj.

Melissa, shumë aktive në TikTok, pretendon se gjithçka që ju nevojitet për të hequr çamçakëzin nga flokët tuaj, është një shkumë stilimi. Në një video, Melissa fuste me qëllim çamçakëzin në flokët e saj, gjë që ka tmerruar komentuesit, dhe më pas përdori shkumë për të treguar se sa e lehtë është ta heqësh atë.

Ajo tha: "Është në rregull. Harrojeni gjalpin e kikirikut, harroni vajin, harroni akullin, përdorni shkumë. Çdo lloj shkume do të funksionojë". Ekspertja e flokëve e mbuloi çamçakëzin me shkumë dhe filloi t'i shpërndante ngadalë flokët, ndërsa shkuma filloi të funksiononte duke "shpërbërë" përbërësit e çamçakëzit.

Ajo shtoi: "Shkuma e prish çamçakëzin. Ajo e shpërbën atë, kështu që e bën të dalë menjëherë".

Më pas Melissa mori një krehër në flokët e saj për të krehur butësisht pjesët e fundit të çamçakëzit derisa flokët e saj të ishin plotësisht të pastra.