Menu për Krishtlindje
Krishtlindjet jane nje nga festat me te shumepritura nga besimtaret e Krishtere ne mbare boten te cilat festohen ne daten 24 Dhjetor ne darke ose ne 25 Dhjetor ne dreke. Per kete arsye amvisat deshirojne qe gatimet e asaj dite te jene speciale, te bukura dhe te shijshme. Me poshte po ju sugjerojme 3-5 receta per secilen nga pjatat, pra antipasta, sallata, pjata te para, te dyta dhe embelsira. Ju duhet vetem te beni zgjedhjen tuaj!
ANTIPASTA
Pako e Krishtlindjes prej djathi – nje antipaste e shijshme e cila do ta bej Krishtlindjen tuaj me festive, me te veçante dhe mbi te gjitha qe mund te pregatitet edhe nje dite perpara duke e ruajtur ne frigorifer.
Blinis (petulla ruse) – te shoqeruara me salce kosi dhe peshk te tymosur, per shembull salmon.
Rolè me kungulleshka dhe patëllxhan të pjekur – jane teper te thjeshta ne pregatitje, dhe gjeja me e mire: mund ti gatuani 1 dite perpara dhe ti ngrohni ne momentin e fundit. Perveç kesaj, mund ti mbushni ne brendesi me çfare te deshironi: djath dhe proshute, gjize dhe spinaq etj.
Vezët e engjëjve – mund ta pregatisni kete antipaste ne ditet tuaja te festave duke kenaqur shijen e çdokujt!
Zemer selinoje me krem djathi – shijojeni kete recete ne nje dreke festive mes miqsh duke i shtuar tavolines suaj nje shije mjaft te veçante.
SALLATA
Sallate me spinaq dhe luleshtrydhe – nje sallate qe sjell ngjyrat e festes ne tavolinen tuaj.
Sallate me hurma, djath gorgonxola dhe rukola – perveçse si frut me vete, perdorini hurmat per te pregatitur kete sallate te veçante!
Sallate me rukola, dardhe, grana dhe arra – nese i shtojme edhe disa kokrra shege te kuqe, kthehet ne nje sallate tipike Krishtlindjesh.
PJATA E PARE
Rizoto me shampanje dhe skampi – nje pjate e pare teper e veçante dhe e rafinuar.
Krepa me kerpudha, proshute dhe djath – nje recete qe nuk te zhgenjen asnjehere!
Tarte tatin me kungulleshka dhe domate – torte e kripur mjaft e veçante, si nga pamja ashtu dhe nga shija.
Njoki me shafran – shafrani, nje nga erezat me te kushtueshme dhe me te vleresuara ne mbare boten, i jep nje shije fantastike dhe ngjyra festive kesaj pjate.
PJATA E DYTE
Mish viçi me tre salca – te shoqeruar me garniture patate furre (klasike) apo patate fizarmonike (pak me e sofistikuar).
Rose e pjekur – rosa e pjekur eshte nje nga ato pjata per te cilat ja vlen te shpenzosh kohe duke e gatuar: mishi i saj eshte teper i shijshem (sidomos pjesa e gjoksit) dhe i ushqyeshem.
Qofte te mbushura me kerpudha – te shoqeruara nga nje garniture te veçante siç mund te jete patate me pana ne furre.
Fileto derri alla Strogonoff – e servirur mbi nje shtrat kus kus.
EMBELSIRA
Rolè me arra dhe krem kafe – per ta bere kete embelsire akoma me festive, mund ta lyeni siperfaqen e saj me kremin ganash me çokollate dhe ta zbukuroni me fruta te thata.
Krem maskarpone me fruta pylli – nese nuk doni te shpenzoni shume kohe duke pregatitur embelsiren e Krishtlindjeve, atehere kjo eshte receta perfekte per ju!
Pandoro e mbushur – shnderrojeni nje pandoro te thjeshte te cilen mund ta blini te gatshme, ne nje embelsire teper te bukur si vizualisht ashtu dhe te shijshme.
