Kërmij me pomodorini

Receta më e thjeshtë e kërminjve me pomodorini. Vetëm kështu mund të shijohen vërtet.

Përbërësit:

20 kërmij toke (nga “Elix Snail Farm”)
1 lugë çaji gjalpë
gjysmë kokrre qepë
2 thelpinj hudhër
1 lugë gjelle salcë domatesh
1 spec djegës
1 spec
gjethe dafine
1 gotë verë e bardhë
300 gr domate qershi
1/2 lt lëng pule
50 gr borzilok
100 gr majdanoz
vaj ulliri
kripë
piper

Përgatitja:

Lajini kërminjtë disa herë në një tas me ujë të kripur. Ziejini për 5 minuta në një enë me ujë të nxehtë dhe pak kripë.

Skuqni qepën dhe hudhrat në një tigan me pak vaj ulliri dhe 1 lugë çaji gjalpë.Shtoni 1 lugë salcë domate, 1 spec djegës dhe 1 spec të freskët, të prerë në copa të vogla. Përziejini mirë.

Shtoni kërminjtë e zier, pak kripë, piper, 3 gjethe dafine dhe 1 gotë verë të bardhë. Shtoni 300 gram pomodorini, lëngun e pulës, borzilokun dhe majdanozin. Përziejini mirë dhe gatuajini për disa minuta.

Vendosini në një pjatë për servirje. Shërbejini me pak bukë të thekur dhe vaj ulliri.

LEXO TE NGJASHME