Plumba dhe trëndafila, vrau bashkëshortin shqiptar dhe më pas veten, flet vëllai i viktimës: Sabrina e tradhtoi, Pajtimi do divorcohej

Një ngjarje tragjike ndodhi në Florida disa ditë më parë, kur modelja Sabrina Krasniqi vrau bashkëshortin e saj shqiptar, Pajtim Krasniqi dhe më pas i mori jetën edhe vetes në apartamentin e tyre luksoz në Hallandale Beach.

Modelja e Big Apple, e cila qëlloi për vdekje bashkëshortin e saj tregtar përpara se të drejtonte armën ndaj vetes, kishte frikë se ai do ta divorconte pasi pranoi se e kishte tradhtuar, tha vëllai i tij të hënën.

Vëllai i pikëlluar, Arben “Benny” Krasniqi nga Scarsdale, i tha gazetës “The Post” se familja kishte vënë re disa shenja paralajmëruese për Sabrina Krasniqin, 27 vjeç, e cila qëlloi vëllanë e tij më të vogël, Pajtim, pesë herë në ballkonin e apartamentit të tyre luksoz në Florida, pak pas mesnatës së mërkurën.

“Ne pamë shumë shenja dhe tani gjithçka ka kuptim,” tha banori i Westchester County. “Por ata ishin të dashuruar dhe kurrë nuk menduam se diçka e tillë mund të ndodhte.”

“Ka pasur pabesi nga ana e saj,” tha burri 43-vjeçar për kunatën e tij, e cila ishte me origjinë nga Queens. “Ajo arriti në një pikë ku nuk mund ta përballonte më ndjenjën e fajit.”

“Vëllai im dëshironte një divorc dhe ajo nuk e pranoi lehtë. Dhe vendosi t’i marrë jetën vetes, dhe diku gjatë kësaj rruge vendosi t’i marrë jetën edhe vëllait tim.”

Fqinjët i thanë policisë pas vrasjes dhe vetëvrasjes se kishin dëgjuar zënka të ashpra që vinin nga apartamenti i çiftit në javët para ngjarjes tragjike, sipas burimeve të zbatimit të ligjit për “The Post” të hënën. Çifti bwri sherr në ballkon dhe brenda në apartament, sipas banorëve.

Benny tha se vëllai i tij 34-vjeçar, i cili u rrit në Bronx, ishte një tregtar i përkushtuar, i cili gjithashtu merrej me pasuri të patundshme dhe kriptovaluta — “Ai ishte një gjeni.”

“Ne të gjithë po përpiqemi të përballemi me këtë,” tha ai. “Nëna ime është e shkatërruar. Humbëm dikë që ishte kaq i sinqertë, i dashur, inteligjent dhe punëtor. Kjo ka lënë gjithë familjen të copëtuar.”

“Vëllai im ishte plot jetë. Ai ishte plot ambicie. Ai ishte plot dashuri. Dhe e gjitha kjo na është marrë nga një akt egoist i një personi. Një akt tjetër egoist nga [Sabrina], dhe [ajo mori] vëllain tim me vete.”

Policia e Hallandale Beach iu përgjigj skenës së përgjakshme pasi të shtënat aktivizuan sistemin lokal ShotSpotter. Policia gjeti trupat e çiftit të shtrirë jashtë njësisë së tyre në katin e 45-të.

Të dy u shpallën të vdekur në vendngjarje.

Pamjet ajrore të hetimit treguan atë që dukej si vrima plumbash në një derë qelqi në shtëpi, me pellgje gjaku pranë. Një mbulesë e verdhë mbulonte trupat e pajetë, raportoi NBC 6. Brenda shtwpisw, ndodhej një ari prej pellushi dhe një kuti me trëndafila me një zemër mbi të, tregonin pamjet.

Në vitin 2021, ndërsa ishte ende në New York City, Sabrina, e njohur gjithashtu me mbiemrin e vajzërisë, Sabrina Dzaferovic, ishte modele e paraqitur në një segment të “Inside Edition”, sipas Local 10 News.

Çifti u largua nga familjet e tyre në New York City për të jetuar në një apartament verior të Miamit rreth dy vite më parë, tha nipi i Pajtimit.
Sa herë që Pajtim kthehej në shtëpi për vizitw, ai sigurohej që të takonte çdo anëtar të familjes së tij të madhe, tha motra e tij më e madhe, Ardiana.

“Ai gjente kohë për të gjithë dhe na mblidhte të gjithëve,” tha ajo në shtëpinë e familjes në Scarsdale.

“Pikërisht për këtë arsye të gjithë e donin,” tha ajo për Pajtimin. “Sa herë që vinte të vizitonte nënën dhe gjatë festave — çdo vizitë — ai gjithmonë sigurohej që të takonte të gjithë në familje para se të kthehej.”

Motra tjetër e viktimës, Albana Krasniqi Munrett, tha: “Nëna jonë është e shkatërruar.”

“Ai ishte bebi i saj. Ai e telefononte çdo ditë. Ai e trajtonte nënën time si ar.”

Dashuria e Pajtimit për familjen e tij kishte një ndikim të thellë tek të rinjtë dhe të moshuarit, përfshirë nipin Arber Gashi, i cili shkroi një kujtim të ndarë me “The Post” duke e përshkruar xhaxhain e tij si një “burim të vazhdueshëm gëzimi, force dhe dashurie.”

“Ai kishte një dhunti unike për të gjetur gëzim në gjërat më të thjeshta dhe na kujtonte se jeta është për t’u festuar,” shkroi nipi.
“Ai kuptonte se dashuria e vërtetë nuk është vetëm në gjestet e mëdha, por në momentet e vogla … bisedat, kujtimet e përbashkëta, mbështetja e heshtur që nuk merr gjithmonë vlerësim — por që ka kuptim të madh.”

Benny tha se vëllai i tij karizmatik ishte i vetmi nga motrat dhe vëllezërit që kishte lindur në Shtetet e Bashkuara.

Rreth pesë vite më parë, Pajtimi pësoi një aksident të rëndë me motor, shtoi Benny.

Por me forcë të jashtëzakonshme fizike dhe mendore, ai injoroi rekomandimet e mjekëve për të amputuar këmbën e tij — dhe përkundrazi përballoi 16 operacione dhe një proces rikuperimi të dhimbshëm.

“Ai stërvitej, punonte shumë … dhe i sfidoi të gjitha parashikimet, dhe u kthye në shtëpi me të dyja këmbët,” tha Benny.

“Sapo u kthye në shtëpi — nuk do ta harroj kurrë — ai i hodhi të gjitha ilaçet kundër dhimbjeve në tualet,” vazhdoi ai. “Do të doja të kisha forcën mendore që ai kishte.”

“Ai gjithmonë më thoshte se unë isha heroi i tij. Nuk i thashë kurrë se ai ishte heroi im. Tani ai është larguar. Ky person i tmerrshëm ma mori atë.”