Lënda plasëse ka shkaktuar vetëm dëme të vogla materiale, pasi në momentin që shpërtheu ishte e parkuar poshtë pallatit dhe nuk kishte njeri brenda.

Policia deklaron në njoftimin e parë zyrtar se automjeti ka shumë kohë i parkuar pasi pronari Benard Sinomataj prej kohësh ndodhet jashtë shtetit.

“Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit” thotë policia.

Shënjestra e këtij atentati, Benard Sinomataj në 2015-tën ka qenë i arrestuar për armëmbajtje pa leje. 7 vite më parë në banesë iu gjetën armë dhe municione luftarake.

Pritet që të merret në pyetje vetë Sinomataj mbi konfliktet e mundshme që ka pasur, por edhe verifikimi i pamjeve të kamerave të sigurisë lidhur me momentin kur është vendosur eksplozivi.