SHMU: I nxehti me origjinë afrikane do të vijojë edhe të mërkurën
SHMU njoftoi në mesditë se i nxehti me origjinë afrikane do të vijojë edhe gjatë ditës së mërkurë. Kështu moti do të jetë i kthjellët me vranësira kalimtare gjatë mesditës si dhe prani të grimcave të pluhurit e rërës në lartësi.
Era, do të fryjë nga kuadrati i jugut e lehtë me tendencë forcimi deri mesatare përgjatë bregdetit pasdite e në mbrëmje.
Temperaturat do të vijojnë të mbeten të larta në:
zonat malore 18°C deri në 36°C
zonat e ulëta 21°C deri në 40°C
zonat bregdetare 24°C deri në 38°C
