Kokedhima refuzon propozimin e Rames.Nuk do te pleqeroj me ty
Kur Koço Kokëdhima ishte ende deputet, Kryeministri Edi Rama gjatë një takim me banorët në Himarë së bashku me ish-deputetin, deklaroi se do të pleqërojë së bashku me Kokëdhimën në Vuno.
Por, heqja e mandatit të deputetit ka prishur marrëdhënien Rama-Kokëdhimën. Ky i fundit, sot ka refuzuar publikisht Kryeministrin Rama për të kaluar pleqërinë me të.
I pyetur nga gazetari Eni Shehu i ABC News, Kokëdhima foli edhe për afrimitetin e tij me Ilir Metën, meqënëse kohët e fundit ka shkuar shpesh në vilën e kryeparlamentarin në Gjirin e Lalzit.
Këto përgjigje, Koço Kokëdhima i dha nga Dhërmiu, duke e bërë në këtë mënyrë refuzimin edhe më të hidhur për Kryeministrin, duke pasur parasysh faktin që edhe Rama është në Dhërmi, të cilin nuk e takoi fare.
“Për këtë punën e pleqërimit unë them se nuk do pleqëroj as në Vuno as në Lalëz, nuk kam ndërmend madje të pleqëroj por do të punoj deri në ditën e fundit të jetës”, tha ish-deputeti Kokëdhima.
Gjatë kohës që qëndronte në Dhërmi, Kokëdhima u pa në shoqërinë e Alket Hysenit, Drejtor i Drejtorisë për Parandalimin e Pastrimit të Parave dhe njëkohësisht Kryetar i Komisionit të Garancive Statutore në Partinë Socialiste.
