Refuzuan të monitorojnë ’30 Qershorin’, KiE do vëzhgojë ‘6 Marsin’
Një delegacion i Kongresit të Autoriteteve Lokale të Këshillit të Europës pritet që të vizitojë Shqipërinë së shpejti.
Sipas një njoftimi të Këshillit të Europës, delegacioni do kryejë një mision monitorimi për zgjedhjet e pjesshme të 6 Marsit.
Delegacioni do kryesohet nga norvegjezja Gunn-Marit Helgesen.
Ata do të bëjnë disa takime në Tiranë.
Kujtojmë se Këshilli i Europës vendosi të mos monitoronte zgjedhjet monopartiake lokale të ’30 Qershorit’. Disa ditë përpara zgjedhjeve, drejtuesit e Kongresit të Autoriteteve Lokale thanë se nuk do dërgojnë delegacion vëzhgues në Shqipëri.
