Referendumi/ Zbulohet ora dhe vendi ku do të votojë ish-kryeministri Sali Berisha
Partia Demokratike zhvillon sot referendumin e anëtarësisë, për ratifikimin e vendimeve të marra nga Kuvendi Kombëtar i 11 dhjetorit.
Anëtarësia do të shprehet përmes votë nëse është 'Po' apo 'Jo' shkarkimit të Lulzim Bashës nga kryetar i Partisë Demokratike. Shkarkimi i Bashës u votua nga 4446 delegatë të Kuvendit të shtunën e kaluar.
Pak orë nga hapja e qendrave të votimit, Syri.net ka mësuar orarin dhe vendin ku do të votojë lideri historik i PD, Sali Berisha.
Mësohet se Berisha do t'i drejtohet qendrës së votimit rreth orës 10:00, në degën e nr.2 të PD.
Qendrat e votimit në të gjithë vendin do të hapen në orën 08:00 dhe do të mbyllen në 17:00. 
