Sot dhe nesër, afatet e fundit për maturantët që regjistrohen në universitet 

Sot maturantët kanë afatin e fundit për të kryer pagesën e aplikimit në universitet prej 2 mijë lekësh dhe të hedhin notën mesatare në sistem. Ndërkohë që data 11 gusht do të jetë dita e fundit që maturantët do të kenë në dispozicion për të plotësuar formularin e aplikimit në universitet.

Në kalendarin e publikuar së fundmi nga AKP-ja, dita e fundit e aplikimit është data 10 gusht dhe u është përcaktuar si ditë për aplikim në universitet të maturantëve të Kukësit, Hasit, Tropojës, Dibrës, Matit dhe Bulqizës. Ndërsa data 11 gusht do të jetë data e fundit për ata kandidatë që kanë kryer pagesën, por për arsye të ndryshme nuk kanë mundur të plotësojnë formularin e aplikimit.