Lëvizja Vetëvendosje, fituese e zgjedhjeve në Kosovë, 48% të votave deri tani
Në Kosovë janë numëruar thuajse 97% e fletëve të votimit. Lëvizja Vetëvendosje në Kosovë kryeson me 48,17% të votave të numëruara deri në mëngjesin e 15 shkurtit nga Komisoni Qëndror i Zgjedhjeve, në përfundim të zgjedhjeve të përgjithshme të përkohshme parlamentare.
Lëvizja Vetëvendosje që mund të quhet tashmë fituesja e zgjedhjeve të 14 shkurtit 2021 në Kosovë, ndërkohë që ka marrë edhe urimet e para nga liderë politikë brenda dhe jashtë vendit, ka lënë prapa PDK me 17,32% të votave, LDK me 13,18% të votave, AAK me 7,4% të votave; Listën Serbe me 5,27% të votave, Nismën me 2,59% të votave,
Dje në të gjithë Kosovën u mbajtën zgjedhjet e parakohshme për Kuvendin e Republikës së Kosovës.
Sipas listës përfundimtare të votuesve, numri i qytetarëve me të drejtë vote ishte 1 milion e 794 mijë e 862 votues, të cilët u shpërndanë në 888 qendra votimi me gjithsej 2 mijë e 382 vendvotime.
Numri i përgjithshëm i vëzhguesve të akredituar ishte 29 mijë e 200 vëzhgues.
Sipas listës, KQZ-ja akreditoi 18 ambasada me 146 vëzhgues; 6 organizata ndërkombëtare dhe institucione me 37 vëzhgues; 1 institucion publik me 43 vëzhgues; 26 organizata jo-qeveritare vendore me 1 mijë e 713 vëzhgues; 23 subjekte politike 26 635 vëzhgues; dhe 63 media vendore dhe ndërkombëtare me 626 vëzhgues.
